Kumpulan Pantun Minang Dan Pantun Anak Rantau Lucu

Caliak batuang di dalam sarawa.

Caliak dahan nyo nan mkin brisi .

Caliak nan kanduang makin setia.

Caliak selingkuhan lah batambah sexy.

Batabek ikan di tangah sawah. 

Tabek di isi jo ikan nila.

Kasiah sayang sadang tacurah. 

Adiak bakato salamaik tingga.

Tahampeh biduak ka pantai.

Ombak gadang mambuek karam.

Cinto adiak ka bakeh denai. 

Raso gulai indak bagaram.

 Si udin pai ka mudiak.

Ka mudiak manjua bilih.

Niek Hati lai nak melamar adiak. 

Tapi apo kadayo,uda alun ado pitih.

Si Udin Basalemo.

Kukua karambia pakai kukuran. 

Sabana nyo Hati nak Sato Demo.

Tapi Apo dayo,awak pengguran.?.

Makan nasi jo samba lado. 

Minum kopi samo jo kue. 

Di pikie dimalah hati indak ka ibo. 

Kawan nan samo gadang alah babini sado e.

Gadih minang nan kuniang lansek. 

Pai baralek ka daerah salayo. 

Bialah kini iduik den Bansek. 

Untuang lah tuo,iduik den jadi kayo. 

Nan gagah hanyo anak amak. 

Nan kayo anak rajo Sutan. 

Kalau utak alah mulai samak. 

Mancaliak urang,takah mancaliak setan. 

Mamanjek ka batang kuwni. 

Sadang mamanjek di pantak ulek. 

Maraso heran mancaliak anak muda kini. 

Pai sikola bantuak pai baralek. 

Di jogja ado mbah marijan. 

Di K.U.A ado penghulu. 

Kebetulan kini hari lah hujan. 

Di lacuik kopi itam agak sagaleh lu.

Anak urang di pasa menteng. 

Pai marantau ka subarang. 

Kok awak lai lah maraso ganteng. 

Tapi ndak tau ba'a pancaliak urang. 

Ka gunuang pasti ba angin. 

ka bukik,pasti ado galodo. 

Hari pa hujan,badan pandingin. 

Ka babini,alun ado gadih nan suko.

Ambiak kopi ka parak. 

Kopi di ambiak sakalian lado. 

Nan paruik alah mulai litak. 

Tapi nan pitih Indak juo ado. 

Di bogor ado Puncak. 

Di sukabumi ado pelabuhan Ratu 

Waktu siang adiak lai rancak. 

Kok lah malam adiak bantuak buruang antu.

Kapasa mambali bada. 

Bada di bali ateh etalase. 

Kapalo sakik utak dek kada A 

Nan di pikian alah lupo taruih se.

Amak wak mambuek kue. 

Kue dimakan jo samba lado. 

Kalau dapek dek uda nan sabane e. 

Indak ka uda si-siokan adiak do. #Ciuus 

Anak urang baburu kondiak. 

Kondiak di jua di pasa banto. 

Uda lai amuah san nyo diak. 

Tapi adiak lai indak kamanyasa biko. (@ResniaElda) 

Nak marantau ke daerah Bangko. 

Tujuan selanjuiknyo ke pakanbaru 

Sabana ramuak hati den ko. Baru 2 hari putuih,

Inyo langsuang dapek uda Baru.

Abuih aia jo pariuak. 

Aia di abuih untuak buek cappuccino. 

Ko Bantuak uda emang lah buruak. 

Tapi masalah kesetiaan,jan di tanyo. 

Labek bana si daun Banto.
Tampek basarang bintang Acek.
Kalau adiak malu mangatokan cinto.
Agiah tando lah ka uda agak saketek. #Signal

Amak-amak pakai Konde.
Konde di pakai pai Badendang.
Sabara bana lamak nyo Tempe.
Tapi dek ambo tetap juo randang. #GadihMinang

Ka hilie dulu-baru pai ka mudiak.
Mancaliak urang manambang timah.
Indak usah lah sok rancak diak.
Dalam tanah di makan caciang juo mah.

Pai kadapua untuak batanak.
Nasi di jua di padang pulai.
Taraso malang mande Baranak.
Anak lau sagagah iko,alun juo laku lai.

Marantau sisutan mudo.
Marantaunyo ka purbalingga.
 Nan umua sabananyo masih mudo.
Tapi garaman alah abih tangga. #PenuaanDini

Kalapau mancari bakwan.
Bakwan dimakan nan jo lado.
Nan aWak ngarati ka kawan.
Nan kawan ndak mangarati ka awak do. #TekekPaloAngCiekLu

Baburu mambawo galah.
sambia baburu pai mamukek.
Abih mandi awak alah gagah.
Tapi ndak ado juo gadih nan mandakek. #NangihCiekLu

BACA JUGA: Kumpulan Pantun Minang Lucu Bagian 2

Ayam gadih pai batalua.
Batalua nyo di ateh pagu.
Sabalun mancari makan kalua.
Lebih rancak di ganja jo mie lu.

Cari Bilih ka singkarak.
Bilih di baok ka malalo.
Caciang di paruik alah bacakak.
Nan MotoGp manangguang pulo.
Tampek aia dalam teko.
Teko Tabuek dari Basi.
Paruik ko yo sabana cilako.
Pagi-pagi inyo lah mintak Nasi.

Batuang di tabang jo di karek.
Batuang di baok ka daerah pulai.
 Karano mato ko alah Barek.
Nan kini awak bakaruah lai.

Ka Singkarak mancari Bilih.
Bilih di goreang nan jo kantang.
 Nan urang di kaja dek pitih.
Nan awak di kaja dek Utang.

Si Ani Anak urang Solok.
Pai Maratau ka jakarta.
Dari Balakang mancaliak darah tasirok.
Dari mungko mirip jo Waria.

Kasawah mancari pantau.
Kakubang cari ikan patin.
Di Uda manjago cinto kito di rantau.
Nan adiak malam minggu jo uda nan lain. (@arie_aii)

Mancari kayu ka malalo.
Kayu di ungguak jo di kabek.
Sabana manjur do'a nan jomblo.
Malam minggu,di tutuah ujan labek. #SabaSanak

Rami alek urang malalo.
Dapek minantu urang muko-muko.
Hanyo Ciek do'a nan jomblo.
Ko dapek hujan labek lah kini ko. #BakarMenyan

Ka ladang mancari kuwni.
Kuwni di baok di sanjo rayo.
Sabana canggih zaman kini.
Mancari pasangan berdasarkan kayo ( @UrangSolok )

Ka pantai padang pai baselancar.
Nan pulang wakatu sanjo.
Bantuak iko lah nasib ndak punya pacar.
Urang malam minggu,nan awak mangango Sajo.

Ka kadai mambali bada.
Bada di buang kadalam samak.
Kalau adiak lai sayang ka uda.
Lai amuah adiak jadi minantu amak? #Lah_kali

Baburu ka salayo.
Baburu mancari biawak.
Kalau sanak indak picayo.
Tanyolah ka amak wak. (@Vj_NoE )

Mamanjek ka ateh genteng.
Di ateh genteng ado Baruak.
Kecek amak uda,uda ko ganteng.
Tapi baa kecek adiak uda ko buruak.

Di padang ado Basko.
Pai kasinan mambali baju
Lai Banyak gadih rantau nan suko.
Tapi dek awak,gadih minang juo nan katuju. #CarianCiekMak

Anak pak ujang namonyo Nia.
Anaknyo rancak dan masih gadih.
Uni admin @minangSedunia.
Folback awak ciat dih.

Dek balari badan bapaluah.
Dek jatuah,bisua ko malatuih.
Nan Lari Onda hanyo duo puluah.
Tpi Nan paguik nyo lari saratuih.

Baralek anak urang pauah.
Ka pasa mambali bada.
Makonyo uda pai manjauah.
Karano Status sosial wak babeda. #Sansai

Kapasa mambali Banang.
Banang di bali nan jo badak.
Jago lah diri sebagai gadih minang.
Jan mambuek malu urang gaek ndak